السلام عليكم ورحمة الله تعالى وبركاته
سبحان الله وبحمده سبحان الله العظيم
فالمغرب كلشي كيعاني من ضعف فالأنترنت أو كلشي فينا داير إتصالات المغرب 4 ميغا أو دبا كلشي بغا يبدلها بويفي إنوي حيث ولينا كنسمعوا إنوي دايرة 20 ميغا أو ثمن رخيص دار ضة هاذ العرض ونص فالمغرب تلاح لإنوي ولكن حتى واحد فينا مكان متوقع شنو غادي يترا من مورا مادخل إنوي أو كاملين مشينا قطعنا إتصالات المغرب أنا واحد منكم مهم من 2013 ونا خدام بالويفي إتصالات 4 ميغا وكنت كنعاني من ضعف ديالها أو شحال هادي مكانش الباديل تصالات هي لي كانت
مهم شهر 12 لخر ديال العام 2021 فكرت حتى أنا نبدل ويفي أو بديت كنبحث لقيت إنوي دايرا العرض 20 ميغا غير ب 200 درهم وايلي واش هاشي بصح 20 ميغيا بهاد الثمن وأنا مع إتصالات كنت داير 4 ميغا أو كنخصل 200 درهم واو عرض خطير واعر هذا هو لي غادي يصلاح ليا نخدم بيه مزيان أو حسن من إتصالات نضت مشيت خديت روتور عطيت المعلومات باش تيكنيسان إيجي لدار باش يركبوا الخيط
أو دب شنو بقا ليا هو نمشي نقطع الويفي ديال إتصالات مشيت لعندهم بغيت ندفع طلب دخلت عند المدير قلت ليه بغيت نقطع ويفي سولني علاش قلت ليه راه تقيل أو كتوصلني قل من واحد ميغا هو يقولي واش نصوني ليك على تيكنسياه يمشي معاك قلت ليه لا أنا شحال هادي صونيت أو باقي نفس المشكيل مهم بقيت حتى دفع ليا طلب أو كيما شفتوا مابغاش نحيد ويفي باش ميخسرونيش كزبون حيت إلى قطعتوا أنا أو جاو ناس أخرين إقطعوه شركة غادي تنقص أرباح ديالها أو حنا ماشي سوقنا فهادشي لو كان عطاونا ويفي مزيان 4 ميغا خدامة مغاديش نبدلوها
مهم ماعلينا فهاذ اللحظة أنا كانساين شحاب إنوي يجيب لدار دازت 10 أيام عاد جاو أو ركبو ليا الخيط أو واحد الحاجة نسيت ما قولتها ليكم فالفيديو هو إلى كنتي فايت داير ويفي إتصالات أو ملي إجي تكنيسيان ديال إنوي إلى قاليك خلي الخيط ديال إتصالات قوليه لا أنا بغيت خيط جديد ديال إنوي حيث إلى سمعتي لكلامو غادي تندم من بعد حيث أصلا خيط ديال إنوي راه مدوز ليك غير 4 ميغا أو مكاملاش أو هادشي لي كان غادي يطرا ليا ونا نقوليه لا دير جديد أو دار فيا واحد شوفات محملنيش
المهم من بعد دخلت كلشي تريكل دات تقريبا ساعتين أو طلقو ليا ويفي خدمت بيه طيارة دخلت لموقع باش نقوف واش بصح كاين 20 ميغا وانا لقا 15 ميغا أو فرحت قلت هذا هو لويفي لي غادي ينفعني فالخدمة تاع يوتيوب ملي نحط شي فيديو غادي يتحط ليا فقل من 10 دقايق أو داكشي لي طرا مهم ويفي تركب ليا نهار 10 شهر 12 عام 2021 كانت بجمعة خدمت بيه سبت والحد ثلاث ايام خدمت بيه أو نهار الحد كنت سهران بليل وصلات ديك 4 ديال صباح قبل لفجر زيفي مابغاش يخدم ليا فتيليفون شفت فروتور لقيتو طفا راسو بوطونة وحدة لي كاتبقا شاعلة هي Power
صافي نعست أو خليتو قلت حتى الغدا ونشوف مالو لغدليه إثنين فقت صباح شعلتو خدمت بيه واحد 5 دقايق أو و يطفا ليا عاوتاني كيدوز ليا دقيقة أو كايعاود إطفا أو كيما قلت ليكم بوطونة وحدة لي كاتبقا شاعلة هي Power أو لشي كيطفا ليا Adsl internet wlan voip هادو كاملين كيمشيو أو قلت فراسي واقيلة لخيط مقطع أو بديت كنقلب لقيت كلشي مريكل حتى خيط مافيه موشكيل
شوية قلت أجي نصوني عليهم صونيت عليهم نهار 13.12.2021 عاودت ليهم نفس المشكيل لي طاري ليا بقاو عليا شوف لخيط دير هادي شوف هادي قلت ليهم أنا هادشي دايرو قبل منصوني ليكم هي تقولي صبر هانا غادي روديماريه من عندي أو خليه شاعل إلى عاود طرا نفس المشكيل عاود صوني مهم دارت هي داكشي أو خدمت بيه تقريبا 6 سوايع من 5 ديا لعشية حتى 12 ديال ليل أو هو يطفى ليا أو لع ليا دم نعست غذا فقت عاوت صونيت ليهم كانعاود شنو كاين تايعاودو ليا تفس الهضرة شوف لخيط............
تقريبا شي خمسة أيام ونا منصوني ليهم يوميا شوية قالو ليا ندفع ليك شكاية باش يجيو لعندك لدار يشوفو ليك المشكيل قلت ليهم صافي دازت يومين مجا حتى واحد ونا نعاود نصوني ساخط ختي أنا يوميا كنصوني كل نهار كانعاود نفس المشكيل لي طاري ليا دفعت شكاية نورمالمو 24 ساعة خاص إيجي تيكنيسيان إشوف أنا صافي بغيت نقطع هاد ويفي مابقاش عادجبني هي تقول ليا ماتغوتش مادويش معايا بهاد الطريقة قلت ليها أنا زبون لبي ليا طلب ديالي ياك أنتوما كاتبين فالموقع رسمي سيمانة يا إرضيك يا ترضوا أنا مارضانيش بغيت ردوا هي تقولي دازت سيمانة إلى بغيتي تقطع خلص العام ديالك ههههه ضحاتني والله قلت ليها أنا نهار ثالث بديت كنصوني أو مايمكنش ليا نخلص على شي حاجة مداير بيها والوا لي فجهدك ديريه ونا نقطع عليها
أو بديت أنا كنخربق راسي فروتور شنو درت ليت واحد الباطة صغيرة لي كتوصل بالكابل ADSL مع الكابل ديا روتوس حليتو حيت واحد السلك أو عاودت ركبتوا أو خدمت بيه مابقاش كيطفا إعني تقاتل براسي باش نحل المشكيل أو دبا حنى دخلنا فعام جديد أو قما بالله إلى حاليا مزال مجا حتى واحد باش يشوف ليا المشكيل ونا عييت منصوني عليهم أو طلعوا نصابة المهم صايبتوا راسي ولكن تقيل أو ملي بديت كنقلب شحال كتوصلني دب من ميغا متخيلوش شحال كنلقا والله إلى قل من واحد ميغا إوا فين هي 20 ميغا أو ويفي لي خدمت بيه نهار لول لي كان زوين راه مابقاش أو واحد الحاجة فاش كنسينيو على كونطرا تايقولو ليك خلص لز منك راه أنت لي سينيتي عليها يعني خاصك تخدم بالويفي حتى تكمل العام ديالك عاد قطعوا إلى بغيتي
المهم هادي هي المشكلة ديالي لي طرات ليا مع إنوي ADSL 20 MEGA بصراحة تقولبت والله كان عليا نزيد نبحث مزيان ولكن أنا تعميت ب 20 ميغا أو رخيصة صيدوني ولكن راه مغاديش إشوفوني لاجونس يالهم أنا ندوز غير من حداها أو إلى كان عندكم حتى أنتوما نفس المشكيل نتافقو كاملين بلا منخلصو حتى يردة لينا 15 ميغا لي كانت فلول أما دب راه كشلي فينا كيعاني ف إنوي أو بالنسبة لناس لي مزال مدخلوا إنوي كنصحكم بلا مديروه والله تى تندموا راخ 200 درهم زيد عليها 50 درهم هاهي 250 درهم غادي تمشي تقصد لادونص ديال أورونج أو سولهوم على Fibre 20 MEGA واش واصل عندنا أو عطيه عنوان في ساكن يقوليك واش واصل أو لا لا إلى كان واصل مبروك عليك إلى مكانش خاصك تصبر حتى يوصل عندكم أما إلى كانت ميسرا عندك دير Fibre إتصالات المغرب ديال 500 درهم فيها 100 ميغا أو خداما بخير
الخوت بارطاجية مع صحابكم أو حتى واحد فيكم مايفكر فإنوي ردوا البال أو نصحكوا كلشي يبعد عليه ADSL INWI 20 MEGA لا علاقة ويفي مكاينش غادي إنصبوا عليك كيما نصبوا عليا أو على بزاف ديال ناس أخرين او دب نخليكم مع الفيديو با تشوفوا كلشي بعينيكم إلى بغيتي أنت تقيس شحال عندك من ميغا دخل الموقع Fast كتبوا فجوجل أو أول موقع دخل ليه او غايبان ليك شنو كاين
لن أطول عليكم فالنبدأ على بركة الله
فــــــــرجـــــــة مـــــمـــــــتــــــعــــــة
وختامنا أتمنى أن ينال هذا الدرس إعجابكم والمرجو زيارة الموقع بشكل يومي للحصول على المزيد من الشروحات وأيضا لا تنسو زيارة قناتي على يوتيوب أيوب خبيز وشكرا لكم 😍😍
ليست هناك تعليقات:
إرسال تعليق